صانعة الكروشيه
اهلا بكي في منتدى صانعه الكروشيه
حيث المتعه والعلم والمعرفه
سارعي بالاشتراك في المنتدى
وتمتعي بالصحبه الرائعه
بحـث
 
 

نتائج البحث
 

 


Rechercher بحث متقدم

المواضيع الأخيرة
» رجعت لمنتدايا حبيبي
السبت 21 يوليو 2018, 1:54 am من طرف Admin

» ماذا تعرف عن الايميجرومي
الخميس 03 مايو 2018, 9:27 pm من طرف صانعة الكروشيه

» قناتي علي اليوتيوب
الإثنين 16 أبريل 2018, 2:02 am من طرف صانعة الكروشيه

» طريقة عمل بلوزه جميله جدا
الإثنين 16 أبريل 2018, 1:49 am من طرف صانعة الكروشيه

» عاوزين نجدد المنتدي
الإثنين 29 يناير 2018, 11:42 pm من طرف Admin

»  خطوات عمل شنطة من تى شيرت
السبت 29 يوليو 2017, 1:33 am من طرف عاشقة الكروشيه

» ورشة عمل فستان طفله
الإثنين 12 يونيو 2017, 2:34 am من طرف أم وائل

» انا بموت ادعولى بمخرج
الجمعة 03 يونيو 2016, 3:33 pm من طرف اسيا

» طلب سريع لكل قادر عليه
الجمعة 03 يونيو 2016, 3:32 pm من طرف اسيا

مكتبة الصور


سحابة الكلمات الدلالية

التبادل الاعلاني
احداث منتدى مجاني

اسئلي وانا اجاوبك ان شاء الله في اى شيء يخص الكروشيه

صفحة 1 من اصل 13 1, 2, 3 ... 11, 12, 13  الصفحة التالية

اذهب الى الأسفل

اسئلي وانا اجاوبك ان شاء الله في اى شيء يخص الكروشيه

مُساهمة من طرف صانعة الكروشيه في الأحد 08 أغسطس 2010, 2:09 am


تم تثبيت الموضوع


السلام عليكم ورحمة الله وبركاته

ازيكم حبيباتي العزيزات

اذا صادفتك غرزه مش عارفاها او بلوزه مش عارفه غرزتها او طريقتها


او شنطه او ....او......او

اسئلي وانا اجاوبك ان شاء الله


نبتدى بأذن الله


ومنتظره اسئلتك

اول سؤال
كنت عايزه اسال عن غرزة البرومستيك ...

هي بتتعمل علي عصايه مدوره تخينه شويه
بس انا ماشفتش تطبيق ليها الا فى كوفيه

هي دى

والغرز اللي تليق معاها الفراشه وهي مجموعة عمدان في غرزه واحده

تاني سؤال

انا اصاله عندي لونها موف فاتح والسقف من الاطراف موف غامق وفي نص السقف موف فاتح
والنيش عندي اكيد في الصاله بس كنت عيزة اعمل مفارش للنيش ومحتاره
1: هل اعمل المفارش كامله كروشيه ولا اجيب قماش واعمل اطراف القماش بالكروشيه ولو بالقماش ايه احسن نوع قماش ولونه ايه
2: ايه اللون الي يعكس على لون الصاله او احط نفس اللون الي هو الموف ومدرجاته
3: طب ايه الشكل الرسمه الي يبقى حلو وشيك في النيش
4: ايه الاضافات الي ممكن اضيفها على المفارش
5: ايه الاحتياطات الي احطها في بالي وانا بعمل المفارش
علما بأني اول مره ادخل النيش فعشان وعروسه بقى فعيزة حاجه مميزة وحلوة
وبجد بجد سامحيني لو ازعجتك بجد والله بس نفسي حد يشاركني افكاري وخصوصا اني عيزة اعمل الحاجه دي بإيدي
وبجد الف شكر ليكي لانك استحملتيني والف شكر ليكي
وانتي بالف خير يارب
اولا ياستي الف الف مبروك علي الزواج ان شاء الله يكون زوج السعد والهنا والدوام طول العمر بأذن الله يارب
تاني حاجه لون النيش ايه؟؟؟لو كان من تدريج الموف يبقي حطي اى تدريج موف يليق عليه
لو بني او اسود مش هينفع تدريج الموف ....لو بني او اسود اعملي مفرش دهبي
لكن لو النيش فاتح اوف وايت مثلا اعملي لون موف هيكون رائع
ياترى الفتوكات من رأيى والا مختلفين؟؟؟
ياريت اللي عنده اقتراح في الالوان يدخل يقوله
اما بالنسبه لمفرش قماش انا والله والحمد لله خيبه في اسماء انواع القماش بس الستان هينفع اوى ويكون حوافه كروشيه
اما لو كله كروشيه لاحظي لازم الغرزه ماتكونش عاليه اوى علشان ينفع تحطي عليها الاغراض ومش تنقلب الاكواب
ولو عاوزه اشكال مفارش سهله وجميله ....من عينيه الاتنين

ده مفرش مربع والباترون بتاعه



ودى مجموعة باترونات لمفارش سهله وسريعه يارب تعجبك


تالت سؤال

انا كان نفسى اتعلم ازاى ادخل الكوروشية ف القماش من الاطراف شوفت فوطة سادة متفرغة من ع الطرف وداخل فيها كروشية ازاى



بصي ياقمر انا عامله الشنطه دى هي جلد علي كروشيه
وسهل جدا تنفيذها اوعلي قماش بردو تنفع
ازاى عملتها اقولك ....انا قصيت الجلد 10 في 4 سم ثم اشتغلت عليه الكروشيه
ازاى ؟؟؟اولا بعلم علي الجلد او القماش بالقلم الرصاص كل سم
ثم مكان القلم الرصاص ندخل ابرة الكروشيه ونشتغل غرزة العمود او الحشو علي الجلد كله وبعد كده نشبك المستطيلات ببعض باى شكل
اما عن الفوط تعملي زى ماقلت وممكن تشتغلي سطرين فوق بعض او تاني سطر تعملي في غرزه اربع عماويد او 6 عماويد وتسيبي 4 غرز
وتعملي 4 عماويد في رابع غرزه وهكذا جربي وقوليلي النتيجه


السؤال التالي

هوه ده الفستان صح؟؟؟؟؟


بصي ياقمر انتي هتبتدى الفستان ده من الوسط وتعملي سلاسل قد دوران الوسط وتقفليهم ثم تعملي في كل غرزه عمود او نص عمود
( في الشكل نص عمود)وهو انك تلفي فتله علي الابره وتسحبي خيط زى العمود
بالضبط بس تشدى الخيط التلات فتلات مره واحدهولما توصلي للباط تحردى وهو
انك تسيبي 3 غرز ماتشتغليهمش وتطلعي كام سطر و3 او 4 وتقفلي ومن الناحيه
التانيه كمان
بعد كده تقلبي الشغل وتبتدى تشتغلي الجيبه وهي في الاول تعملي عمود في غرزه
ثم سلسله وتسيبي غرزه وتعملي في اللي بعدها عمود وهكذا لحد ماتخلصي السطر
وتقفليه
ثم تعملي بين كل عمودين 5 عماويد وتمسكيهم بمنزلقه بين العمودين اللي بعديهم يعني بين عمودين تعملي 5 وبين عمودين التالي او اللي
بعده تعملي منزلقه وتقفلي السطر والسطر اللي بعده تعملي بدايه منزلقه في نص العمدان اللي عاملاها في السطر الاول يعني في العمود
التالت وتعملي العمدان الخمسه في المنزلقه اللي بين العماويد كلهم في غرزه واحده ياترى مفهومه دى؟؟؟؟
وهكذا طول السطور لحد ماتخلصي الفستان بالطول المطلوب
وماتنسيش تعملي الحماله وهي عباره عن سلسله بالطول المطلوب لكتف للطفله ثم
تعملي عليها عماويد في كل غرزه عمود لحد ماتمسكيها في الجزء التاني الخلفي
ثم خطوه اخيره تعملي فستونات علي الحواف للفستان وهي انك تعملي 5 عماويد وتمسكيهم بالفستان وهكذا علي كل الحروف
اى خدمه ياقمر


السؤال التالي



ايوه ياجميل البلوزه دى تعملي سلاسل قد دوران الهنش
وتقفليه ثم تعملي عمود وبعده 6سلاسل وتفوتي 5سلاسل في السطر التحتاني
وتمسكي السلاسل بمنزلقه وترجعي عليها
(علي السلاسل) في كل غرزه عموديعني 6 عماويد وترجعي عليهم تاني يعني سطرين
عمدان ثم تفوتي 5 غرز وتعملي عمود زى الاولاني وبعدين 6سلاسل وهكذا
لحد ماتقفلي السطر
تاني سطر تعملي عمود وست سلاسل وتمسكيها في حرف العمدان اللي اتعملت في
السطر اللي فات وتعملي عليه عمدان وترجعي عمدان تاني ثم 6 سلاسل وهكذا كل
سطرلحد ماتوصلي بالطول الطلوب لحد تحت الباط وتحردىطبعا بالطريقه المعروفه
وهي انك تفوتي 4 غرز لكن في البلوزه دى تفوتي 6 سلاسل بعمدانهم يعني
ماتكمليش دوران البلوزه لكن ارجعي واطلعي بعمود وابتدي سطر جديد لحد
ماتوصلي للكتف تقطعي الخيط وتقفلي
وبردو حردة الرقبه تسيبي اربع مربعات ماتشتغليهمش ثم تعملي الكم زى الحليه
وبس
ثم تعملي الحليه وهي 3 عماويد وسلسلتين وهكذا 4اسطرعند الرقبه واسفل البلوزه



التالي




ايه رأيك في دول
الاول طريقة عمل البرا وهو انك تعملي 20 سلسله ثم تعملي في كل غرزه عمود وفي اخر غرزه في السلاسل تعملي 5 عماويد
وتلفي الشغل وتكملي في كل غرزه عمود
لحد ماتوصلي مكان اول غرزه تعملي سلسلتين وتطلعي بعمود فوق العمود الاول
وتكملي الي ان توصلي للغرزه اللي عامله فيها 5 عمود تعملي في تالت عمود
فيها عمودين وتكملي عادي ال ان توصلي بالبرا للحجم المطلوب وتعملي نفس
الشكل مره اخرى
تمسكي الحرفين ببعض باى طريقه اما خيط وابره او بالكروشيه والحرفين
التانيين تعملي سلسله طويله مقاس دوران تحت الصدروتقفليها وتعمليها عماويد
عمود في غرزه
ممكن تعملي الدوران اوسع علشان اللبس وتدككيه بفتلتين صوف معمولين سلسله علشان يكونو اتخن شويه
اما الاندر فتبتدى بسلسله بعرض الهنش مش دوران لا عرض الهنش وتعملي عماويد
لنهاية السطر وتعملي سلسلتيني وتطلعي سطر عماويد وكل سطر تقللي عمود من
الجهتين
الي ان يصل عرض القطعه 20 غرزه تمشي من غير ماتنقصي حوالي عشرين سطر ثم بعد كده تزودى عمودين كل سطر لحد ماتوصلي للطول المطلوب
وطبعا الامام اصغر من الخلف ....ثم تعملي من كل جنب سلسله طويله لربط الاندر
ممكن تمشي علي حواف القطعتين باى شكل تحبيه للتزيين وممكن لون تاني مناسب وممكن تزينيه بالترتر او ورده او فصوص علي حسب ذوقك
واى خدمه ياقمر


التالي



الضفيره انتي هتعملي سلسله بدوران الهنش للبلوزه تقسميه نصين وليكن النص الامامي 42 هتقسميها كالتالي 10 في الاول ثم 6 للضفيره
ثم 10 في المنتصف ثم 6 لضفيره تانيه ثم 10 في الاخر (لو عاوزه ضفيره واحده
اقسمي الجزء الامامي نصفين وشيلي منهم 6 غرز...ولو عاوزه 3 ضفاير
اقسمي الجزء علي 4 وشيلي منه 18 غرزه للضفاير)تعملي عمدان اول سطر تاني سطرتعملي عمدان في ال10 غرز او اى غرزه عاوزاها للبلوزه
ثم نيجي لغرزة الضفيره عارفه غرزةالمقلوبه الاماميه ؟؟(انا شرحاها في موضوع طريقة عمل شنطه مبطنه....في الصفحه الرابعه)
هنعمل الغرزه دى 6 غرزثم نمشي 10 غرز عادى ثم 6 غرز مقلوبه ثم 10 عادى وبعد 3 سطور بالشكل ده هنعمل
لما نوصل للمقلوبه هناخد ال3 غرز الاخيره الاول ثم ال3 غرز الاولي ونكمل عادي وتاني سطر نمشي عادى
وكل 4 سطور هتلفي شغل الضفيره ال3 غرز الاخيره تشتغليهم الاول ثم ال3 الاولنين هتلاقي الضفيره اتعملت


التالي


حبيت أعمل مفرش عملته لكنه طلع مقوس شوية شبه
الطاقية ومش عارفة ايه السبب لأني بتعلم من على النت من فضلك عايزة اعرف
اشتغل على الباترون ازاي ولكي جزيل الشكر

بالنسبه للمفرش انه بيقوس انتي مش بتوسعي كتير يعني المفرش علشان يكون مدور
ومفرود علي ترابيزه لازم وانتي بتشتغلي تزودى في الغرز مثلا كل 3او اربع
غرز تزودى غرزه بكده هيكون مفرود صح لكن قلة التزويد هيخليه زى الطاقيه زى
مابتقول جربي وقوليلي النتيجه
ربنا معاكي

التالي

انا عاوزه أعمل لنفسي تونيك كروشيه انا ما شفتش زيه لكن انا بفكر فيه من نفسي بس عاوزه أعمل طوقه مدور تدويره كبيره وألبس تحته بدي
سؤالي هو ازاي اعمل الطوق المدور يعني فتحة الرقبه يارب يكون سؤالي واضح
جزاني واياكي ان شاء الله
ايوه فاهماكي ياجميل بصي فيه طريقتين اما تبتدى من تحت والطريقه دى تعملي
دوران الهنش بسلسله وتعملي الغرزه اللي انتي عاوزاها لحد ماتوصلي لحردة
الباط
وبعد ماتحردى الباط بسطرين تبتدى تحردى الطوق ازاى؟؟؟اولا تقسمي
الغرزالباقيه نصين علشان لماتنقصي الغرز مثلا الغرز الباقيه 10 نصها 5 يبقي
اول تنقيص ننقص 4غرز
2من الجزء الاول و2من الجزء التاني علشان تكون التدويره في النص ولو لقيتي
الغرز فردى يبقي اول تنقيص5وبعد كده تطلعي بسطر ولما تيجي للحرده تنقصي
اما غرزتين من كل ناحيه لو عاوزه الفتحه واسعه وغرزه من كل ناحيه لو عاوزه
الفتحه معقوله لحد ماتوصلي للكتف تقفلي....دى طريقه
والطريقه التانيه انك تعملي سلسله علي قد الدوران اللي عاوزاه والوسع اللي
عاوزاه وبعدين تشتغلي عمدان بس توسعي وانتي بتشتعلي وكانه مفرش يعني كل 3
او4 غرز تعملي غرزتين في غرزه لحد ماتوصلي للباط يعني لو لبستي المفرش ده
ومسكتي جزء الامامي مع جزء خلفي من تحت الباط تلاقي البلوزه مظبوطه عليكي
ومش مشدوده تقفلي وتكملي بدون تزويد
اما لو عاوزاه مفتوح من الامام هيكون اسهل لانك لوعملتي اللي بدايتها من
اسفل وجيتي للقسمه مش هتقسمي ولكن هتنقصي غرزتين وتطلعي السطر التاني وهكذا
اما لو عملتي البدايه من اعلي ماتقفليش السلسله وكملي زى ماقلت
ماشي ياقمر لو عاوزه اى حاجه تانيه اسئلي ياجميل

ازا مممكن تبعتيلي غيرهم
انا عندي صورة واحد بس ما بعرف كيف اعملو



انا عندي بترون الفستان الاخضر اللي بعتت صورتو بس انا ما فهمت منو شي بدي تشرحيلي اياه بالتدريج
ايوه ياابو حسام معلش اتأخرت عليكي بصي ياستي
بداية الفستان هتكون من دوران الصدر تعملي سلاسل علي قد دوران الصدر للبنوته واوسع 5 غرز وتقفليهم بمنزلقه
بعد كده تعملي في كل سلسله عمود وتخلصي السطر وتقفليه بعد كده هتمشي سطرين
عماويد عادى زى اول سطر وسطرين تعملي سلسله وتسيبي عمود وتعملي عمودين في
عمود سلسله وعمودين في عمود وهكذا
وبعد 6 اسطر هتبتدى توسعي يعني عند الجناب هتزيدى عمودين في كل جنب وهكذا
الي ان توصلي الي اعلي الكربه بقليل علشان تعملي الفتحتين وهي كالتالي
تحددي مكان الامام وتاخدي من النص حوالي 30 غرزه وتشتغليهم لوحدهم لاتزيدي
ولا تنقصي لحد ماتوصلي للطول اللي عاوزه تعمليه للفستان والجزء ده هيكون
غرزته كلها عمودين في عمود ثم سلسله وتقفليه وتقطعي الفتله
وتكملي الجزء الباقي من الفستان الي ان يصل لطول الجزء اللي عملتيه بعد كده تشتغلي الصدر والحمالات ودى هتكون عن طريق غرزة الحشو
تمشي علي العمدان بغرزة الحشو لحد قبل الباط بشويه ترجعي وتعملي سطر تاني
وهكذا 5 سطور من الامام والخلف ثم تطلعي من الحرف غرزة حشو برضو علشان
تعملي الحماله وهي هتكون 7 غرز فقط تطلعي سطور لحد ماتوصلي للطول المطلوب
للحماله تشبكيها في حرف الجزء الخلفي وتقطعي
وهكذا الجزء التاني ثم تجيبي خيط ابيض وتمشي علي الحروف بغرزه السلسله تعملي 5 سلاسل ثم تشبكيها بمنزلقه وهكذا وخلص الفستان الاسئله دى جزء من موضوع ليا علي منتدى اخر
ان شاء الله هانزل الاسئله تباعا واى اسئله منكم منتظرها لارد عليها ان شاء الله














عدل سابقا من قبل صانعة الكروشيه في الأحد 12 سبتمبر 2010, 11:56 pm عدل 1 مرات

_________________
[img]
avatar
صانعة الكروشيه
مديرة المنتدى
مديرة المنتدى

عدد المساهمات : 1466
تاريخ التسجيل : 12/06/2010
الموقع : ام الدنيا مصر

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف Mrs.Shady في الأحد 08 أغسطس 2010, 1:21 pm

جزاكي الله كل خير عن مجهودك

وانا كنت عايزو اعرف ازاي اشبك الوحدات مع بعض ؟؟

بتطلع ف منتهي السخافة معايا وبفكها تاني

_________________
avatar
Mrs.Shady
مراقبه
مراقبه

عدد المساهمات : 1031
تاريخ التسجيل : 21/05/2010

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف صانعة الكروشيه في الإثنين 09 أغسطس 2010, 2:32 am

من عينيا الاتنين حبيبتي
انتظريني هاعمل موضوع عن التشبيك قريبا ان شاء الله
لانه موضوع مهم وكتير طلبوه مني

_________________
[img]
avatar
صانعة الكروشيه
مديرة المنتدى
مديرة المنتدى

عدد المساهمات : 1466
تاريخ التسجيل : 12/06/2010
الموقع : ام الدنيا مصر

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف ام حسين المصريه في الأحد 15 أغسطس 2010, 2:46 pm

حبيبتى موضوعك هايل ومفيد جدا
بارك الله فيكى وجعله فى ميزان حسناتك
avatar
ام حسين المصريه
صانعه جديده
صانعه جديده

عدد المساهمات : 14
تاريخ التسجيل : 29/06/2010

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف mnmn في الإثنين 16 أغسطس 2010, 3:22 pm

موضوعك حلو اوى اوى تحفه والله تسلم ايدك Very Happy
avatar
mnmn
صانعه ماهره
صانعه ماهره

عدد المساهمات : 517
تاريخ التسجيل : 28/05/2010

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف راضية بحكمه في الأحد 05 سبتمبر 2010, 3:54 am

مجهود رائع وشرح وافي جدا
مشكووووورة وجزاكي الله خيرا
avatar
راضية بحكمه
صانعه جديده
صانعه جديده

عدد المساهمات : 42
تاريخ التسجيل : 04/09/2010
الموقع : على شط النيل

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف صانعة الكروشيه في الإثنين 13 سبتمبر 2010, 12:21 am

ازيك انا جديدة ف الموقع دة وبجد شكلو تحفة مهو الستات دايمن مبدعين ف مش هيبقا ف الستات دى كلها ومش هيبقا تحفة انا كان نفسى اتعلم ازاى ادخل الكوروشية ف القماش من الاطراف شوفت فوطة سادة متفرغة من ع الطرف وداخل فيها كروشية ازاى




بصي ياقمر انا عامله الشنطه دى هي جلد علي كروشيه
وسهل جدا تنفيذها اوعلي قماش بردو تنفع
ازاى عملتها اقولك ....انا قصيت الجلد 10 في 4 سم ثم اشتغلت عليه الكروشيه ازاى ؟؟؟اولا بعلم علي الجلد او القماش بالقلم الرصاص كل سم
ثم مكان القلم الرصاص ندخل ابرة الكروشيه ونشتغل غرزة العمود او الحشو علي الجلد كله وبعد كده نشبك المستطيلات ببعض باى شكل
اما عن الفوط تعملي زى ماقلت وممكن تشتغلي سطرين فوق بعض او تاني سطر تعملي في غرزه اربع عماويد او 6 عماويد وتسيبي 4 غرز
وتعملي 4 عماويد في رابع غرزه وهكذا جربي وقوليلي النتيجه

_________________
[img]
avatar
صانعة الكروشيه
مديرة المنتدى
مديرة المنتدى

عدد المساهمات : 1466
تاريخ التسجيل : 12/06/2010
الموقع : ام الدنيا مصر

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف صانعة الكروشيه في الإثنين 13 سبتمبر 2010, 12:32 am

وليا سؤال بعد اذنك انا عاوزة اعمل بونشو لبنتى عنها 3 سنين
البونشو ده عبارة عن مستطيلين وبعدين بنشبكهم ببعض
كنت عاوزة اعرف منك ازاى اقيس المستطيل يعنى عاوزة اعرف طوله وعرضه.. ازاى؟



هو ده البونشو اللى اقصده
وياريت لو تشرحيلى الغرزة الموجودة دى اية؟
وهحتاج خيط اد اية لبنوتة 3 سنين
اكون شاكرة ليكى جدااااااا
الله يخليكي ياريري ياقمر فينك ؟؟؟؟ بقالى كتير ماقريتش ليكي مشاركات
ايوه ياقمر بالنسبه للبونشو ايوه هو 2 مستطيل وتشبكيهم في بعض
بس بدايته تعملي سلسله من اول شايفه فتحة السبعه اهو من اولها وتلفي السلسله لورا ولحد الطول اللي انتي عاوزاه من عند اليد مش طول البونشو كامل لا من عند اليد بالعكس يعني ايه
يعني انتي اخدتي بداية السلسله من عند السبعه ولفيتي الفتله مثلا من ناحية اليمين تعملي طول السلسله لحد ماتوصلي لليد الشمال عند الكف
وتبتدى تشتغلي الغرز اللي عاوزاها هنا البدايه عمدان في كل غرزه ثم تاني وتالت سطرغرزة الحشو ثم بلون تاني تعملي 3 عماويد في 3 غرز ثم سلسله وتسيبي عمود و3 عمود تاني في 3 غرز وهكذا سهل مش كده؟؟؟
وتعرفي انا الطول المطلوب ازاى؟؟؟؟ اقولك لما تعملي المستطيل تحطيه علي كتف بنوتك (ربنا يخليهالك وتفرحي بيها) ولما يوصل لحد كف ايدها يبقي وصلتي للطول المطلوب
وبعدين تعملي المستطيل التاني زى الاولاني بالظبط وتشبكي بعد كده بداية العرض مع بداية الطول ومن الناحيه التانيه برضو بداية العرض مع بداية الطول وبس
ممكن تعملي شراشيب ليه وممكن لا...اللي يعجبك
اما بالنسبه للخيط فده خيط قطيفه او اى خيط من النوع التخين اوى
وتاخدى منه حوالي 4 بكرات 100 جرام والف مبروك مقدما ....لما تخلصيه وريهوني

_________________
[img]
avatar
صانعة الكروشيه
مديرة المنتدى
مديرة المنتدى

عدد المساهمات : 1466
تاريخ التسجيل : 12/06/2010
الموقع : ام الدنيا مصر

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف Mrs.Shady في الإثنين 13 سبتمبر 2010, 2:55 am

شرح ممتااااااااااااز

عقبال ما تشرحي حاجة اولادي cheers

_________________
avatar
Mrs.Shady
مراقبه
مراقبه

عدد المساهمات : 1031
تاريخ التسجيل : 21/05/2010

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف صانعة الكروشيه في الأحد 26 سبتمبر 2010, 1:29 am

السلام عليكم ورحمة الله
اختي في الله جزاكي الله خيرا وجعله في ميزان حسناتك يارب
بصراحه لما شوفت اعمالك واعمال البنات الجميله ما شاء الله اتشجعت اني اعمل لبنتي بلوفرين
بس دلوقتي عايزه اعملها بليرو صيفي يكون سهل عشان انا لسه بتعلم
دورت هنا وفي مواقع تانيه بس مش عارفه حاسه انها صعبه عليا وكمان لسه مش بعرف افهم الباترون اوي ومش عارفه ابدأ ازاي وكام غرزه
واجيب خيط نوعه ايه وأد ايه
هي عندها سنتين ونص وجسمها عادي مش مليانه
معلش هتعبك معايا
وجزاكي الله خير
اهلا بيكي حبيبتي
بصي ياقمر الصيفي دايما يكون الخيط بتاعه اما قطن خيطه رفيع او حرير
بالنسبه للبلورو لسن بنوتك ربنا يخليهالك هتاخدى حوالي شلتين ب5جنيه لو حرير
والبلورو كت
لو كم هتاخدى 3ونص شله
اسهل غرزه هي السلاسل هتشتغلي سلاسل بدوران الوسط وبعد كده تشتغلي 5 سلاسل وتسيبي 3 سلاسل من الدوران وتشبكي هم بمنزلقه ثم تشتغلي 5 سلاسل وتسيبي 3 سلاسل من سلاسل الدوران وتمسكيهم بمنزلقه وهكذا طول السطروتاني سطر تشتغلي برضو 5 سلاسل من وسط الخمسه اللي في السطر اللي تحت وتمسكيهم في وسط ال5 التانيين بمنزلقه ثم 5 سلاسل وتمسكيهم بمنزلقه وهكذا طول السطر وطول البلورو لحد ماتوصلي لتحت الباط وتعملي حردة الباط ودى هتعرفيها من موضوعي عندك استفسار او غرزه مش عارفاها

_________________
[img]
avatar
صانعة الكروشيه
مديرة المنتدى
مديرة المنتدى

عدد المساهمات : 1466
تاريخ التسجيل : 12/06/2010
الموقع : ام الدنيا مصر

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف وردة جميلة في الأربعاء 29 سبتمبر 2010, 6:44 pm

ماشاء الله ياحبيبت قلبى موضوعك رائع ومهم جدا جعله الله فى ميزان حسناتك ان شاء الله وبارك الله فيكى وفى بيتك وصحتك واولادك

وردة جميلة
صانعه جديده
صانعه جديده

عدد المساهمات : 14
تاريخ التسجيل : 05/07/2010

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف nervouscat_h في الإثنين 04 أكتوبر 2010, 7:23 am

ما شاء الله موضوع رائع انا ليا طلب ربنا يرزقك الجنة بنتى عمرها 8 سنين وانا جبت لها خيط صوف ونفسى اعملها فستان لكن مش عارفة اخد المقاس ازاى وكل لما استقر على واحد معرفش خطوات شغله بالنسبة للبونشو الى شرحتيه جميل جدا بس مش عارفة افهم الكلام بالظبط متلخبطةاسفة للاطالة

nervouscat_h
صانعه جديده
صانعه جديده

عدد المساهمات : 7
تاريخ التسجيل : 03/09/2010

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف صانعة الكروشيه في الثلاثاء 05 أكتوبر 2010, 12:02 pm

@ام حسين المصريه كتب:حبيبتى موضوعك هايل ومفيد جدا
بارك الله فيكى وجعله فى ميزان حسناتك
اشكرك حبيبتي الغاليه
فينك بقالك مده مادخلتيش لعل المانع خير ان شاء الله

_________________
[img]
avatar
صانعة الكروشيه
مديرة المنتدى
مديرة المنتدى

عدد المساهمات : 1466
تاريخ التسجيل : 12/06/2010
الموقع : ام الدنيا مصر

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف Admin في الثلاثاء 05 أكتوبر 2010, 12:29 pm

@mnmn كتب:موضوعك حلو اوى اوى تحفه والله تسلم ايدك Very Happy
اشكرك حبيبة قلبي
تسلميلي يارب

_________________
اهلا بكم في المنتدى
                                          المديره
   
avatar
Admin
مديرة المنتدى
مديرة المنتدى

عدد المساهمات : 1198
تاريخ التسجيل : 27/04/2010

http://sane3atelkrocheeh.ahlamountada.com

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف Admin في الثلاثاء 05 أكتوبر 2010, 12:31 pm

@راضية بحكمه كتب:مجهود رائع وشرح وافي جدا
مشكووووورة وجزاكي الله خيرا

العفو حبيبتي ده واجبي
جزاني واياكي كل خير ان شاء الله

_________________
اهلا بكم في المنتدى
                                          المديره
   
avatar
Admin
مديرة المنتدى
مديرة المنتدى

عدد المساهمات : 1198
تاريخ التسجيل : 27/04/2010

http://sane3atelkrocheeh.ahlamountada.com

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف Admin في الثلاثاء 05 أكتوبر 2010, 12:33 pm

@Mrs.Shady كتب:شرح ممتااااااااااااز

عقبال ما تشرحي حاجة اولادي cheers
ابعتي شكل البلوفر وانا اشرحه لانك عارفه انا نسايه خالص ونسيت الشكل اللي انتي عاوزاه
منتظره شكل البلوفر

_________________
اهلا بكم في المنتدى
                                          المديره
   
avatar
Admin
مديرة المنتدى
مديرة المنتدى

عدد المساهمات : 1198
تاريخ التسجيل : 27/04/2010

http://sane3atelkrocheeh.ahlamountada.com

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف Admin في الثلاثاء 05 أكتوبر 2010, 12:35 pm

@وردة جميلة كتب:ماشاء الله ياحبيبت قلبى موضوعك رائع ومهم جدا جعله الله فى ميزان حسناتك ان شاء الله وبارك الله فيكى وفى بيتك وصحتك واولادك

اشكرك حبيبتي وحشاني جدا فينك من زمان
لعل المانع خير ان شاء الله
ها مافيش اى سؤال انا في الخدمه ياقمر

_________________
اهلا بكم في المنتدى
                                          المديره
   
avatar
Admin
مديرة المنتدى
مديرة المنتدى

عدد المساهمات : 1198
تاريخ التسجيل : 27/04/2010

http://sane3atelkrocheeh.ahlamountada.com

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف Admin في الثلاثاء 05 أكتوبر 2010, 12:41 pm

@nervouscat_h كتب:ما شاء الله موضوع رائع انا ليا طلب ربنا يرزقك الجنة بنتى عمرها 8 سنين وانا جبت لها خيط صوف ونفسى اعملها فستان لكن مش عارفة اخد المقاس ازاى وكل لما استقر على واحد معرفش خطوات شغله بالنسبة للبونشو الى شرحتيه جميل جدا بس مش عارفة افهم الكلام بالظبط متلخبطةاسفة للاطالة
اشكرك حبيبتي ربنا يخليكي يارب
بالنسبه للمقاسات بصي ياستي الاول باخد المقاس بالمتر زى التفصيل بالظبط يعني دوران الوسط والهنش والصدر وطول البلوزه او البلوفر او الفستان وطول الكم او النص كم
ولو معندكيش متر اعملي سلسله من نفس الصوف واشتغلي عليها يعني لو البلوفر هاعمله من الوسط اعمل سلسله لحد مايتقفل معايا علي الوسط وازيد شويه واقفلها واشتغل الغرز المطلوبه ولو فستان باشتغل من اول الرقبه او من الوسط واعمل الوسط العلوى الاول وبعدين اكمل الجيبه
وكمان وانا باشتغل بازود وانقص حسب المقاس المطلوب يعني لو جيبه بازود كل شويه علشان توسع ولو بلوفر باشتغل بدون تزويد او تنقيص
بصي شوفي الشكل اللي يعجبك ونزليه في الموضوع وانا اشرحه لك من الاول للاخر ان شاء الله

_________________
اهلا بكم في المنتدى
                                          المديره
   
avatar
Admin
مديرة المنتدى
مديرة المنتدى

عدد المساهمات : 1198
تاريخ التسجيل : 27/04/2010

http://sane3atelkrocheeh.ahlamountada.com

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف صانعة الكروشيه في الخميس 14 أكتوبر 2010, 12:35 am



السلام عليكم
جزاكي الله خيرا علي الموضوع
انا عاوزة اعمل ده لبنتي
اجيب خيط اد ايه ومنين
وياريت تشرحيلي ازاي بس واحده واحده
علشان دي اول مرة اعمل فيها كروشيه
وشكرا ليكي

اهم حاجه الخيط جيبيه لو تقدري من الحسين لانه هيكون ارخص وكمان اشكاله كتييييير
تجيبي حوالي 6 بكرات للفستان لان غرزته ضيقه و 3 للبلورو لو بكم ولو من غير يبقي بكرتين
وبالنوع اللي يعجبك بس في الصوره صوف
ولو عاوزاه قطن هتجيبي 4 بكرات بس لان القطن ارفع شويه من الصوف
هتبتدى الفستان ان شاء الله من الوسط تعملي سلسله علي قد دوران الوسط وزودى شويه
وتقفليها بمنزلقه ثم تشتغلي اول السطر سلسلتين ثم في كل غرزة من السلسله عمود لاخر السطر وتقفليه بمنزلقه وهكذا طول السطر وكل السطور لحد ماتوصلي لتحت الباط
ثم تسيبي 8 غرز عمود من تحت الباط اليمين و الشمالوتشتغلي الجزء الاكمامي لوحده ثم الجزء الخلفي عماويد علي طول
لحد الحرده المطلوبه تقفلي الغرزه ثم تشتغلي بفتلتين او تلاته سلاسل لعمل الحماله
نيجي للجزء السفلي تشتغليه زى الشبكه يعني عمود وسلسلتين علي نفس شغل الجزء الاول يعني تلفي الشغل وتخلي اللي انتي اشتغلتيه ( الصدر) لاسفل وتشتغلي عادى لاخر السطروتزودى وانتي بتشتغلي غرزتين من كل جنب علشان يعمل شكل الجيبه لحد ماتوصلي لطول الفستان المناسب تقفلي وتقطعي الفتله ثم ترجعي تاني تربطي الخيط من اول شغلك للشبكه ثم تشتغلي فستونه عارفه ازاى انتي ربطتي الخيط علي اول العمود تروحي علي اول العمود اللي بعدهوبدايه السلسلتين اللي بين العمودين تشتغلي 8 عمدان ثم تروحي للعمود اللي بعده تعملي منزلقه ثم للعمود اللي بعده تعملي 8 عمود ثم اللي بعده منزلقه وهكذا لاخر السطر
تسيبي سطر من الشبكه او سطرين اللي يعجبك وتبتدى تشتغلي في التالت فستونات تاني وهكذا
اما البلورو فده انا شرحته في الموضوع بتاعي
اى خدمه ياقمر
لو وقفت معاكي حاجه او فيه حاجه مش مفهومه اسئلي
ربنا معاكي

_________________
[img]
avatar
صانعة الكروشيه
مديرة المنتدى
مديرة المنتدى

عدد المساهمات : 1466
تاريخ التسجيل : 12/06/2010
الموقع : ام الدنيا مصر

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف صانعة الكروشيه في الخميس 14 أكتوبر 2010, 1:45 am

كنت عاوة اعرف طريقة دا بالتفصيل الممل



من عيني بصي ياقمر انتي هتشتغلي 5 سلاسل وتقفليهم بمنزلقه
تاني حاجه هتشتغليسلسلتين لبداية السطر الجديد ثم تشتغلي 20 عمود وتقفليهم بمنزلقه ثم سلسلتين وعمود في غرزه ثم عمودين في غرزه لاخر السط روتقفليهم ثم تالت سطر تشتغلي في كل غرزه عمود يعني ماتزوديش تاني لاخر السطر وتقفليه
تجيبي اللون التاني وتربطيه في اول السطر وتبتدى سطر جديدعادى خالص وسطر تاني بنفس اللون ثم تجيبي اللون البني وتشتغلي غرزة حشو بدل العماويد لاخر السطرثم باللون البيج تشتغلي سطرين عماويد تاني ثم بالبني تشتغلي غرز حشو تاني ثم بالبيج سطرين عماويد ثم غرز حشو بالبني بعد كده تعدى الغرز وتقسميهم نصين وتشتغلي النص فقط بالبيج ثم تلفي الشغل وتشتغلي سطر جديد عليالنص المشغول وتسيبي النص الفاضي ثم سطر تالت عليهم ثم تقفلي اللون البيج وتقطعي الخيط
وتشتغلي 3 انصاف سطور بني وتالت سطرثم تقفليه بمنزلقات يعني تجيبي اول غرزه مع اخر غرزه وتمسكيهم بمنزلقات لحد ماتخلصي السطروتقفلي الخيط وتقطعيه
كده هيكون معاكي شراب من غير الجزء العلوي تبتدى تشتغلي الجزء العلوى بانك تشتغلي سلسلتين وتعملي سطر جديد بيج عماويد وتقفليه ثم سطرين كمان وتقطقعي الخيط وتشتغلي 3 سطور بني وتعملي في الاخر حليه يعني فستونات وتقفلي الخيط وتقطعيه وتشتغلي بالخيط سلاسل طويله م اللونين مع بعض لتدكيك الشراب والف مبروك

_________________
[img]
avatar
صانعة الكروشيه
مديرة المنتدى
مديرة المنتدى

عدد المساهمات : 1466
تاريخ التسجيل : 12/06/2010
الموقع : ام الدنيا مصر

الرجوع الى أعلى الصفحة اذهب الى الأسفل

طاقية مختلفة

مُساهمة من طرف ام احمد 4 في الخميس 14 أكتوبر 2010, 1:01 pm

السلام عليكم
انا عندى الطاقية ده من زمان
و غرزتها محيرانى و مفيش باترون
تشبه غرزة الروستيك
بس ازاى بقت ضفيرة
ولا عملت ضفيرة و اشتغلت حشو فوقها
و الصورة
مش عارفة انزل الصورة

نزلت خلاص

ام احمد 4
صانعه جديده
صانعه جديده

عدد المساهمات : 5
تاريخ التسجيل : 11/10/2010

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف ام احمد 4 في الخميس 14 أكتوبر 2010, 5:22 pm

السلام عليكم
انا تقريبا عرفتها
بس حجربها الاول و حاقولها
وشك حلو عليا اخيرا عرفتها

ام احمد 4
صانعه جديده
صانعه جديده

عدد المساهمات : 5
تاريخ التسجيل : 11/10/2010

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف صانعة الكروشيه في الجمعة 15 أكتوبر 2010, 1:30 am

لاحبيبتي دى مش غرزة برومستيك دى كروشيه ايرلندى بابره شكلها زى حرف Uوتعملي شريط طويل وبعدين تشبكيه مع بعض بشكل الضفيره
لو عاوزه شال يبقي هتعملي حوالي عشر صفوف جمب بعض ولو اسكارف هيبقي تلاته صفوف فقط
هاحاول اجيب لك الطريقه

_________________
[img]
avatar
صانعة الكروشيه
مديرة المنتدى
مديرة المنتدى

عدد المساهمات : 1466
تاريخ التسجيل : 12/06/2010
الموقع : ام الدنيا مصر

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف ام احمد 4 في السبت 16 أكتوبر 2010, 11:41 pm

السلام عليكميا ريت فعلا اعرف الطريقةشكرا لك صانعة الكروشيه

ام احمد 4
صانعه جديده
صانعه جديده

عدد المساهمات : 5
تاريخ التسجيل : 11/10/2010

الرجوع الى أعلى الصفحة اذهب الى الأسفل

رد: اسئلي وانا اجاوبك ان شاء الله في اى شيء يخص الكروشيه

مُساهمة من طرف ام احمد 4 في الثلاثاء 19 أكتوبر 2010, 12:00 am

السلام عليكمانا بلاقى صعوبة فى تنزيل الصور عن طريق المنتدى او بمعن اصح مش بتنزل خالصو كنت عايزة انزل موضوع من كام يوم معرفتش

ام احمد 4
صانعه جديده
صانعه جديده

عدد المساهمات : 5
تاريخ التسجيل : 11/10/2010

الرجوع الى أعلى الصفحة اذهب الى الأسفل

صفحة 1 من اصل 13 1, 2, 3 ... 11, 12, 13  الصفحة التالية

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى