طريقة عمل جراب موبايل

بسم الله الرحمن الرحيم

عزيزاتي الغاليات


طريقة عمل الجراب



بصي ياجميل انتي تشتغلي سلاسل بعرض الجراب اللي انتي عاوزاه ثم تعملي سلسلتين زياده عليهم ودول هيكونو كبدايه سطر عماويد وتشتغلي عمود في كل سلسله وتيجي

لاخر واحده تشتغلي فيها 8 عمود وتلفي الشغل وتشتغلي تحت كل عمود عمود تاني الي ان تخلصي السطر واخر غرزه تشتغلي فيها 8 عمود ايضا ثم تقفليه وتعملي سلسلتين

وتبتدى سطر جديد تسيبي غرزتين وفي التالته تشتغلي 4 عمود في غرزه ثم سلسله وتسيبي بعدهم 4 غرز من السطر اللي تحت وتشتغلي في الخامسه 4 عمود تاني ثم سلسله

وهكذا لحد ماتخلصي السطر واللي بعده تشتغلي في نص الاربعه عمايد منزلقه ثم تشتغلي 4 عمود علي السلسله اللي بين الاربع عماويد الاولي والتانيه ثم تعملي منزلقه في

وسط الاربع عماويد ثم 4 عمود تاني في غرزه السلسله وهكذا كل السطر والسطور اللي بعده لحد ماتوصلي لطول الجراب المناسب تبتدى تشتغلي علي كل غرزه

3 غرزعماويد لكي تعطي شكل الكورنيش الاخير وممكن تشتغليه بلون مختلف وتقفلي الشغل


بعد كده تشتغلي سلسله بفتلتين وتدككي بيها الجراب قبل الكورنيش الاخير علشان تربطيها علي الموبايل


وتشتغلي سلسله في الجنب للجراب وتطوليها بالطول اللي انتي عاوزاه وتمسكيها في الجنب التاني بمنزلقه وتقفلي الشغل ومبروك عليكي الجراب


منتظره تصوريه بعد ماتشتغليه ولو وقفت امامك اى حاجه اسئلي ياقمر

موضوع حلو فى البرد دة

ههههههههههههههه ايوه انا لقيت الموبايل بردان فكرت اعمل له جراب

الموبيل بيقولك جزاك الله كل خير لانه هيترحم من البرد[ندعوك للتسجيل في المنتدى أو التعريف بنفسك لمعاينة هذا الرابط] alt="" />

ميرسى يا احلى ام كريم فى الدنيا

العفو ياقمر علي ايه يعني
انت تأمر ياجميل

منتظراكي ياقمر

موضوع حلو

مشكووووووووووورة