طريقة عمل بلوفر رجالي

ازيكم حبيباتي العزيزات



ده شكل البلوفر اللي طلبته مني مستر شادى

بس هو تريكو وهي مش بتعرف تشتغل تريكو ففكرت اشرحه علي كروشيه باقرب طريقه ممكنه يارب ينفع ان شاء الله

نبتدى تشغلي سلاسل لبداية البلوفر بنفس دوران الوسط واوسع شويه

ثم نشتغل السطر الاول عمدان في كل غرزه ونقفل السطر بمنزلقه

نشتغل البليسيه باننا نعمل غرزه اماميه وغرزه خلفيه وانا شرحت الغرزه دى قبل كده

نشتغل نفس الغرز دى لمدة 5 سطور

ثم نبتدى نشتغل غرز البلوفر واول شكل نشتغل 4 غرز اماميه و4 غرز خلفيه لمدة 10 سطور

ثم نشتغل 3 سطور حشو

ثم نشتغل 3 سطور عمود في كل غرزه ثم في السطر الرابع نقسم ال3 غرز الاولي نسيبهم ونشتغل ال3 غرز اللي

بعدهم الاول بس نطول العمود شويه ثم نشتغل ال3 عماويد اللي سبناهم

ثم تشتغلي 5 عماويد عادى ثم نعيد ماعملناه لنهاية السطر
بعد السطر ده نشتغل 3 سطور عماويد عادى

ثم 3 سطور حشو

ونرجع نعيد الجزء الاول ثم التاني

لحد مانوصل لتحت الباط تبتدى تحردى وانا عملت موضوع عن الحردات شوفيه

وايضا تخلي بالك من فتحة الصدر تعمليها سبعه

ثم تشتغلي الكم بنفس طريقة البلوفر بس ماتنسيش تزودى زى ماقلت وشرحت قبل كده ازاى تعملي الكم

ربنا معاكي ياقمر

وياريت تصوريه بعد ماتشتغليه وتوريهولنا

يا مسهل يارب كلى شوق اشوفه بعد ماتشتغليه

يارب مش تتاخرى علينا الكروشيه اسرع كتير من التريكو

وشكرا لك صانعه الكروشيه على تعبك

اشكرك حبيبتي فعلا الكروشيه اسرع كتير
بس انا مش هاشتغله انا باشرحه بس لعضوه طالباه
شكرا لكي علي كلامك الرقيق

ان شاء الله انا اللى هشتغله وهوريهولكم بس نخف من دور البرد دة وربنا يسهل

الف سلامه عليكي ياقمر
والله ولادى التلاته عندهم برد ربنا يشفي الجميع

ربنا يشفيلك اولادك يارب وسلمتى على الشرح

امين يارب اشكرك ياقمر
تسلميلي ربنا يخليكي

ماشاء الله جميل ان شاء الله هجربه قريب تسلمى ومايحرمنا من شرحك الجميل ياقمر

شيك اوى

جزاكى الله خيرا حبيبتى

جميل قوى قوى وشرحك مبسط جدا
تسلمى
بس كنت عاوزه اسالك عن نوع الخيط الصوف اللى استخدمه فيه
يكون الصوف نوعه ايه
وشكرا ليكى

اختيار رائع موفقين يا قمرات في انجازه

السلام عليكم ورحمة الله
بالتوفيق ان شاء الله
مبروك مقدما

الف سلامه عليكى يا قمر البلوفر شكله حلو اوىىى

ممكن ورشة او طريقه عمل شال (برنس) لبنوته

ام مازن كتب:جميل قوى قوى وشرحك مبسط جدا
تسلمى
بس كنت عاوزه اسالك عن نوع الخيط الصوف اللى استخدمه فيه
يكون الصوف نوعه ايه
وشكرا ليكى

اى صوف يا حببتى ينفع بس لو انتى مبتدئه ماتجبيش صوف غالى والصوف مش بيخسر انا بفعد افك البلوفرات اللى صغرت وازود عليها لون مناسب واكبرها

ههههههههههههههه

ماشاء الله جميل

جزاك الله خيرا

روعة انا بهدا الشرح المبسط مستعدة انشاء الله ان اعمل كل مااجده في المنتدى